Tèxtes

1) Barjacadissas

reculhidas per lo Lus Bèutat

 

2) Engambi

Dau Crucufix, canson reculhida per damase Arbaud
(trad./ Ugo. Karpiena. Théron)

 

Mon Dieu lo paure afaire
Qu'es arrivat 'quest'an
Lo jorn de Nòstra-Dama
De tres grands arogants
Ne'n fasián la debòcha
Dedins un grand logis
N'avián pas la pensada
De veire Jèsus-Crist
 
Jèsus se bota en forma
En forma de Romieu
Vai demandar l'aumòrna
Per l'amor dau Bòn Dieu
Que ton Bòn Dieu t'assiste
Alòr totei li an dich
Cu en socit que l'iste
Gara te leù d'aquí
 
Alòr aqueste paure
Li ditz en repliquant
Au nom de Dieu pecaire
Donatz m'un pauc de pan
Aqueu prepaus inquieta
Un dei mechants garçons
Li manda un còp d'assieta
Li a partit tot lo front
 
Es tombat mòrt d'esquina
Lo visatge sanglant
Enjusqu'a la cosina
L'ostau es plen de sang
En vesènt cava tala
Dián gardam lo secret
Fau escondre lo paure
Dins un luech ben cubert.
 
òu! vai te'n chambriera
Sa camisa lavar
Vai te'n a la ribiera
Garda te de parlar
Lòng dau camin rescòntra
Rescòntra a son torn
Una tant bèla dama
Plus clara que lo jorn
 
òu, diga tu servanta
Diga la veritat
Aquò 's la camiseta
Dau fiu que ai portat
Se la pren e la freta
La freta entre sei mans
S'es jamai vist de linge
Que venguesse tant blanc
 
Oh, diga nos chambriera
As ben lèu agut fach
Au mens l'as ben lavada
Anèm la li botar
Duerbon lo liech li tròvan
qu'un tant beù crucifix
Qu'aquò nos representa
La mòrt de Jèsus-Crist
 

 

 

3 / Quand auseriam lei novèlas

Novè de Nòstra dama dei Dòms d'Avinhon
(trad / arr. Ugo, Karpiéna) Théron)
 
Quand auseriam lei novèlas
Nos leveriam promptament,
Enfleriam lei calamèlas,
Danseriam alegrament
Au sòn de nòstrei musetas,
Dei timbalas, dau clarin
Disiam mila cansonetas
Sus lo ton dau tamborin.
 
Apeleriam mèstre Antòni
Que venguesse au plus lèu,
Que portesse sa fonfònia,
Son fifre, sei cascavèus,
Ambé son tamborn de basca,
Per dansar quauque balet,
O ben quauqua bergamasca
Sus lo cant dau triolet.
 
S'aguessiatz vist nòstra dança,
Lei cambadas e lei sauts;
S'acordavan en cadança
En mila torns a prepaus.
Comenceriam a descendre
A bas tot lo lòng dau riu
Vers la granja de mon gendre
Per veire lo fiu de Dieu.
 
Lo troveriam dins l'estable,
Dins la grùpia tot ben nu,
Tant pauret e miserable
Que n'aviá ren de dessus.
Endurava la fredura,
Semblava l'enfant d'un gus;
Auriatz dich per sa postura
Qu'era quauque mau-vengut.
 
Sa maire lo pren, lo breça,
Lo plega dins un banèu,
L'entortilha d'una faissa
E li dona lo mamèu.
Tetèt pas una goteta,
Non pas meme l'esponchon,
Que tant e quant la nioleta
Tombèt en aqueu pichon.

 

 

4 / Satan es ben estonat

Novè de Nòstra dama dei Dòms d'Avinhon
(trad / arr. Ugo, Karpiéna, Théron)
 
Satan es ben estonat
D'aver vist l'arribada
D'aqueu pichon rei qu'es nat
D'una vierge acochada.
 
Repic : A donat dau nas au sòu,
Bessai ne'n morrà de paur.
 
Aqueu farfan es tant laid,
Tant triste e miserable,
Qu'es caçat de son palais
Emai luenh de l'estable.
 
Repic
 
Crida coma un enrajat
Contra aquela familha
Per çò que se vei renjat
Sos lo pè d'una filha.
 
Repic
 
Aqueu negre charlatan
Trompèt lo promier paire,
Mai lo braç d'un bel enfant
A caçat lo sabraire.
 
Repic
 
Jogatz donc dau chaplachòu
Enflatz la calamèla,
Lo diable es devengut fòu
A perdut la cervèla.
 
Repic

 

 

 

5 / Lo marrit riche

(trad /Ugo, Karpiéna, Théron)
 
La maire de Dieu
Plora dessus sei blancs genolhs
Son cher fiu li demanda
Ma maire qu'avètz-vos
Ièu ne'n plori dei paures
Que ne'n mòron de fam
Plorètz-pas plus ma maire
Lei riches li daràn
Un pauc d'aumòrna, òu! riche !
Au nom de Jèsus-Crist
Lo bòn Dieu vos assiste
De pan ièu ne'n ai ges
Donatz-me lei briguetas
Que vos tòmban davant
Lei briguetas que tòmban
Ne'n son per mei chins blancs
Dedins la quinzenada
èu ne'n ven a morir
Dau pè pica a la pòrta
dau Senhor Jèsus-Crist
Sant Joan ditz a Sant Pèire
Regarda cu es aquí
Ne'n es lo marrit riche
Vòu intrar 'n Paradis
Alòr tu donc demanda
çò qu'a fach a son pais
S'a fach l'aumòrna ai paures
Vestit lei mau-vestits
Ai pas fach l'aumòrna ai paures
Vestit lei mau-vestits
Mai se ièu retornavi
En aqueu plan pais
Ne'n caussariáu lei paures
Ne'n vestiriáu lei nus
Lo faliá far quand li eres
Mai ara li siás plus
Pren-lo, trai-lo ais ondas
Ais ondas de l'Infern
Ai ! Paure ièu sus terra
Ne'n ai pas pron sofert
Aviáu còissin de plumas
Mataràs de velors
Ara ne'n ai un rotge
Que brutla nuech-e-jorn
Se d'aqueu marrit riche
Volètz pas aguer lo sòrt
Donatz l'aumòrna ai paures
A l'ora de la mòrt.
 

 

 

6 / Lo mossi

canson reculhida per Damase Arbaud
(trad /Ugo, Karpiéna, Théron).
 
Son tres vaissèus dedins Marselha
Que van partir per Portugal Liron fa la lireta
Que van partir per Portugal Liron fa la lirà
N'an ben restat sèt ans sus l'aiga
Sensa terra posqu'abordar
Quand l' a sèt ans que son sus l'aiga
Lo pan, lo vin, tot a mancat.
N'an tirat a la corta palha
Quau serà lo promier manjat
Lo mèstre qu'a partit lei palhas
Se la plus corta li a restat
Quau ne'n es aqueu valènt mossi
Que la vida me vòu sauvar ?
Li don' una de mei tres filhas
Amb un vaissèu subredaurat.
Ne'n serà ièu, mon capitàni,
Que la vida vos vau sauvar.
A ! monta, monta, valènt mossi
Monta a la poma dau grand mat.
Quand lo mossi es sus lei crosetas
Lo mòssi s'es mes a plorar :
A ! de que ploras valènt mossi
Veses pas quauque pòrt de mar ?
«Ièu vesi que lo cèu e l'aiga
Ambé leis ondas de la mar»
Ah ! monta, monta, valènt mòssi
Un pauc plus aut te fau montar
Quand lo mossi ne 's sus la poma
Lo mòssi s'es mes a cantar
Ah ! de que cantas valènt mossi
Veses-tu quauque pòrt de mar ?
Vesi Tolon, vesi Marselha
Nòstra-Dòna de la Ciutat
Vesi tres joinei damaisèlas
Que promenan lòng de la mar
Ah ! canta, canta, valènt mossi
Ara n'as ben de que cantar.
As ganhat 'na polida filha
Amb'un vaissèu subredaurat
Ai ganhat 'na polida filha
Mai ai risquat d'estre manjat
 

 

7) Barjacadissas

reculhidas per lo Lus Bèutat

 

8) Adieu paure Carnavas

Compauvada per Aristobule Baus de Trèts per celebrar l'eisiu de Napoleon Trezen
Tradicionau
 
repic: Adieu paure! Adieu paure! Adieu paure Carnavas
Tu te'n vas et ièu m'entòrni, Adieu paure Carnavas
 
Adieu ta bèla joinessa
Vai ti siás pron divertit
As acabat tei richessas
Ara deves te'n repentir
S'es verai qu'as fach ripalhas
Qu'as dansat dins de palais
Vai ! resta nu sus la palha
E plen de fen coma un ai
 
Adieu tu que ti chalavas
Que ti siás vist' adorar
Adieu lei soùs qu'escampavas
Ara la ròda a virat
Ti fau cambiar de regime
Et se vòs pas lo subir
Per ti punir de tei crimes
Marrias anam ti chabir
 
Adieu vielh paire dei vìcis
Lo carema es arribat
Es lo jorn de la justìcia
Adieu tu cu vas crebar
Tot lo pòple ti saluda
èu se'n tòrna et tu te'n vas
Ta darriera ora es venguda
Adieu paure carnavas.
 
repic: Adieu paure! Adieu paure! Adieu paure Carnavas
Tu te'n vas et ièu m'entòrni, Adieu paure Carnavas
 
9) La mau maridèia
N'ai quitat 'n joine per prendre un vielh bis
Mi que ièu siáu mau maridèia
Mau maridèia que siáu mi !
bis
Mi disián que moririá lèu,
Mi que ieu siáu mau maridèia
Mau maridèia que siáu mi!
bis
Mai cresi que non morrà plus bis / Mi que ièu...
N'ai pilhat lo pic sota 'l faudiu bis / Mi que ièu...
N'ai fach 'na fòssa sota un pin bis / Mi que ièu...
Li dau 'na lorda, lo cabussan dedins bis / Mi que ièu…
Escambalhava, voliá sortir bis / Mi que ièu…
N'ai pilhat la patla, l'ai corbit bis / Mi que ièu
Si totas filhas fasián coma mi bis / Mi que ièu…
Levariam lei vielhs d'aperaquí bis
Mi que ieu siáu mau maridèia / Mau maridèia que siáu mi !
 

 

 

10 / Vaquí lo polit mes de mai

canson reculhida per Damase Arbaud (trad /Ugo, Karpiéna, Théron)
 
Vaquí lo polit mes de mai
Que tot galant planta son mai
Ne'n plantarai un a ma mía
Serà mai aut que sa teulissa
 
Cu li metrem per lo gardar
Un sordat de cada costat
Cu li metrem per sentinèla
Serà lo galant de la bèla
 
Aquò me facharià per tu
Si ta mía l'aviá vòugut
Ta mía n'aima quauqueis autres
Se trufarà ben de nosautres
 
Ièu sabi ben çò que farai
Me'n anarai, m'embarcarai
M'embarcarai drech a Marselha
Pensarai plus d'aquesta filha
 
Quand de Marselha revendrai
Davant sa pòrta passarai
Demandarai a sa vesina
Coma se pòrta Catarina
 
Catarina se pòrta ben
S'es maridada i a ben lòngtemps
Amb'un monsur de la campanha
Que li fai ben faire la dama
N'en pòrta lo capèu bordat
 
Ambé l'espasa a son costat
La noirirà mai sens ren faire
Que non pas tu marrit cantaire
(trad)

 

12) Vautres que siatz assemblats

Noël Notre Dame des Doms - Avinhon
(trad /Ugo, Karpiéna, Théron)
 
Vautres que siatz assemblats
Au don-don de la campana
Podètz ben viure en solas
Mentre que l'infern s'afana
Siam venguts au Sauvament
Cantem donc joiosament
 
L'enfant que n'era promes
Ven a tots sauvar la vida
Es nat au bot de nòu mes
D'una vierge tant polida
Que la planeta dau jorn
D'èla emprunta sa lusor
 
Ansin nos l'avián cantat
Lei profètas de son paire
Un ange d'autre costat
Descend e non i a pas gaire
Per dire : « Ave Maria, Ave plena gratia »
 
Per tot caire e canton
Non si vei que faire festa
Leis uns brandan lo menton
Leis autres clinan la testa
Quand non pòdon plus velhar
Non fan ren que badalhar
 
N'i a qu'Eròdès lo maraud
Que li fague trista mina
Per li far faire lo saut
De per tot costat lo mina
Mai contra lo Dieu vivent
Son poder non vaudrà ren
 
Car per mielhs jogar son torn
Ai Mages fai bòna chiera
E li pregan qu'au retorn
Repassan per sei carrieras
èlei senton ben lo fum
N'en veirà pas la coá d'un
 
Per veire aqueu bèu garçon
Fau laissar tota cautèla
Car èu n'es totjorn amont
Que fai bòna sentinèla
Non vòu que ren de malin
Intre dins son bèu jardin.
 

 

13) Lo boier

(trad /arr. Ugo, Karpiéna, Théron)
 
Quand lo boier ven de laurar
Planta son agulhada
 
Troba sa frema au pè dau fuech
Tota desconsolada
 
Si siatz malauta digatz-ò
Vos farai una alhada
 
Per saboraire li metrai
Lei banas d'una cabra
 
Quand serai mòrta enterratz-me
A la fònt de l'arcada
 
E lei romieus que passaràn
Prendron d'aiga senhada
 
E dirán cu qu'es mòrta aicí
Es la paura Bernada
 
S'es enanada en paradis
Soleta ambé sei cabras
 

 

 

14) La nòvia

Tradicionau
 
Anuech tocarem lo pè a la nòvia (bis)
A la nòvia noviá,
tocarem la faridondena
A la nòvia noviá,
tocarem la faridondé.
Anuech tocarem leis arpions a la nòvia…
Anuech tocarem la camba a la nòvia…
Anuech tocarem lo ginólh a la nòvia…
Anuech tocarem la favolha a la nòvia…
Anuech tocarem lo cuòu a la nòvia…
 

 

16) La Romança de Clotilda

canson reculhida per Damase Arbaud
(trad /Ugo, Karpiéna, Théron)
 
Ne'n son tres fraires,
N'an qu'una sòrre a maridar,
L'an maridada,
Cinquanta legas luenh d'aicí;
Li an donat un òme,
Lo plus mechant d'aqueu pais.
L'a tant batuda,
Amb' un baston de vert-boisset,
Son sang li còrre
Enjusqu'au bot de sei blancs talons,
E lo li para
Amb' una tassa de loton : (1)
- Tenètz, estrassa,
Vaquí lo vin que ne'n beuretz;
- Mon amic Peire,
Buvètz-lo vos, ièu n'ai pas set.
- Ai una camisa,
Ièu la voudriáu anar lavar
- Anètz, estrassa
Avisètz-vos de tròp restar !
Dau temps que lava
Tres cavaliers n'a vist venir
Que li ressemblan,
Sei tres fraires dedins paris.
Mon amic Peire
Tres cavaliers n'ai vist venir
Que mi ressemblan
mei tres fraires dedins paris
- Ma mia Joana,
Prenetz lei claus de mon castèu,
V'anaretz metre
Tot çò que n'avètz de plus bèu.
Ne'n pren l'escoba
èla s'es messa a escobar.
Dau temps qu'escoba,
Sei tres fraires son arribats :
- Digatz, servanta,
Ont' es la dama dau castèu ?
- Siáu la servanta
Ambé la dama dau castèu.
- Ma sòrre Joana
Ont' a passat vòstra bèutat ?
- Lei còps de vergas,
Lei còps de baston l'an levada !
- Ma bòna sòrre,
Ont' a passat vòstre marit ?
- Es anat 'n caça,
Ne'n tardarà pas de venir.
N'es pas anat'n caça,
Sei tres chins blancs n'en son aquí
Ma bòna sòrre,
Donatz-nos totei vòstrei claus.
Clavan, desclavan,
A la plus auta l'an trobat.
Lo promier qu'intra
Mai se l' a pas aujat tocar;
Lo second qu'intra
Mai se l'a pas mai aujat far;
Lo darrier qu'intra
Amb'un poinhau l'a ponhardat.
- Mon fraire Antòni,
Aguètz pietat de seis enfants.
- Prendrem lei mendres
E vos laissarem lo plus grand,
E la filheta
La metrem dedins un covant.
 

 

17) Non poirià anar plus mau

Ambé la vòs de M.C. Tatou dau Massilia
(Trad./Ridel-Danger-Garibaldi)
 
Non poiriá anar plus mau
Niga niga niga
Non poiriá anar plus mau
E niga niga nau.
 
Escotatz tots ben bregadas
La balada
Compausada
Que vos direm mantenent
Car si non es ben cantada
Gringotada
Demenada
La veritat vos direm
 
ò! chut chut 'scotatz un pauc
Niga niga niga.
Non poiriá anar plus mau
E niga niga nau
 
Autres fes vos anem dire
Per vos dire
Sensa rire
La cançon dei mau-governs
Totjorn vai de pire en pire
Per Sant Mire
Dieu i mira
Aitant d'estiu
Que d'ivèrn
De carema e de carnau
 
De carema e de carnau
Niga niga niga
De carema e de carnau
E niga niga nau.
 

 

18) Lo Miserere

(Mistral/l'abbé Ronard)
 
Oh mon Dieu, aguètz, pecaire,
Misericòrdia per ièu
Car siatz bòn e perdonaire
Mai que mai, ò Sénher Dièu.
 
De tant d'armas repentidas
Vos qu'avètz agut pietat,
De mon còr e de ma vida
Escafatz l'iniquetat.
 
Dins l'iniquetat, pecaire !
Ièu fuguèri concèuput,
E dau pecat de ma maire
Sabètz pron que siáu nascut !
 
repic: Perdonatz vòstreis enfants
Que non sabon çò que fan
 
Que l'isop banhe ma cara,
Sarai pur; lavatz-me lèu,
E vendrai pus blanc encara
Que la tafa de la nèu.
 
Menatz-me dins vòstra dralha,
Tiratz-me dau cativiá !
E metetz dins ma frechalha
Un còr nòu e drechurier.
 
Senhor, descatatz ma lenga
E, dins mon trefoliment,
Cantarai vòstrei lansengas
Ambé vòstrei jutjaments.
 
repic
 

 

Lo Disc
L'ostau
Lo Grope
Leis Amics